தேவதைக்கு தந்த முத்தம்..(தொடக்கம்)

முத்தம்

பெறுதலை விட

கொடுத்தல் சுகம்..

நினைவில் இல்லாத

தாயின் முதல் முத்தம்

கனவில் கிடைத்த

கற்பனை காதலியின் முத்தம்

வெற்றியில் பெற்ற

நெற்றி முத்தம்

தோல்வியில் கிடைத்த

ஆறுதல் முத்தம்

தண்ணியடிச்ச நண்பனின்

காமெடி முத்தம்..

பேருந்து நெரிசலில்

எதிர்பாராத முத்தம்

இறுக்கம் தளர்ந்து

எதற்கும் தயாராய்

வருடங்களை கடந்த

வாலிப விரதத்தை

ஒரே நொடியில்

முடித்து வைத்த - என்

மனைவியின் முதல் முத்தம்...

இவை

எல்லாவற்றையும் விட

ஒரு படி மேல் !!!

என்

தேவதைக்கு தந்த முத்தம்...